Tuesday, 12 January 2021 - 10:56
Update - රංජන් රාමනායකට බරපතල වැඩ සහිත වසර 4ක සිරදඬුවම්
...

පාර්ලිමෙන්තු මන්ත්‍රී රංජන් රාමනායකට බරපතල වැඩ සහිත වසර 4ක සිරදඬුවම් නියම කර තිබෙනවා. අධිකරණයට අපහාස කිරීම සම්බන්ධයෙන් වන නඩුව අද පෙරවරුවේ ශ්‍රේෂ්ඨාධිකරණ විනිසුරුවරුන්වන විජිත් මලල්ගොඩ, සිසිර ද ආබෲ, පී පද්මන් සූරසේන හමුවේ කැඳවූ අවස්ථාවේදී මෙම නියෝගය ලබාදුන් බවයි අප අධිකරණ වාර්තාකරු සඳහන් කළේ.
තීන්දුව ප්‍රකාශයට පත් කරමින් ත්‍රිපුද්ගල විනිසුරු මඬුල්ලේ සභාපති විනිසුරු සිසිර ද ආබෲ මහතා සඳහන් කර සිටියේ, අධිකරණයට අපහාස කිරීම සම්බන්ධයෙන් නීතිපතිවරයා විසින් වග උත්තරකාර රන්ජන් රාමනායක මහතා වෙත එල්ල කර තිබෙන අධිකරණයට අපහාස කිරීමේ චෝදනාව සාධාරණ සැකයකින් තොරව ඔප්පු වී තිබෙන බවය.

ඒ අනුව රන්ජන් රාමනායක මහතා අධිකරණයට අපහාස කිරීමේ චෝදනාවට වරදකරු කරන බවද විනිසුරුවරයා කියා සිටියා.

2018 වසරේ අගෝස්තු මස 21 වන දා එවක අමාත්‍ය රනිල් වික්‍රමසිංහ මහතා සමඟ අරලියගහ මන්දිරයේ දී පැවැති සාකච්ඡාවකින් අනතුරුව ජනමාධ්‍ය වෙත අදහස් දැක්වූ රංජන් රාමනායක හිටපු අමාත්‍යවරයා මෙරට විනිසුරුවරුන්ගෙන් හා නීතිඥවරුන්ගෙන් බහුතරය දූෂිතයන් බවට ප්‍රකාශ කර තිබුණි.

හිටපු අමාත්‍යවරයාගේ එම ප්‍රකාශය තුළින් ඔහු මෙරට අධිකරණ පද්ධතිය කෙරෙහි පවතින මහජන විශ්වාසය බිඳ හැරීමට ක්‍රියා කර ඇති බවත් ඒ තුළින් ඔහු අධිකරණයට අපහාසයක් සිදු කර ඇතැයි චෝදනා කරමින් මාගල්කන්දේ සුදන්ත හිමියන් සහ විශ්‍රාමික ගුවන් හමුදා නිලධාරියෙක් වන සුනිල් පෙරේරා යන අය විසින් ශ්‍රේෂ්ඨාධිකරණයට පැමිණිලි ඉදිරිපත් කර තිබුණි.




සබැඳි -
රංජන්ගේ නඩුවේ තීන්දුව අද



More News
...
Friday, 22 January 2021 - 11:05

 වලපනේ සහ බදුල්ල ප්‍රදේශවලට රිච්ටර් මාපකයේ ඒකක 2 ට අඩු අගයකින් යුත් සුළු භූ චලනයක් සිදුව ඇතැයි...   Read more

...
Friday, 22 January 2021 - 10:48

පස්සර  ජාතික පාසලේ සිදුකරන ලද පීසීආර් පරීක්ෂණවලදී සිසුන් 6දෙනෙකු කොවිඩ් ආසාදිත බවට හදුනාගෙන...   Read more

...
Friday, 22 January 2021 - 10:03

   අනුරාධපුර,පලාගල මහ හුරුල්ලෑවේ වනජීවි කලාපයක පිහිටි පුරාවිද්‍යාත්මක නටඹුන් සහිත භූමිය පසුගිය...   Read more

දවසේ වීඩියෝව