හිඟු­ර­ක්ගොඩ නග­රයේ වෙළෙ­ඳ­ස­ල­කින් පාසල් සහ පෞද්ග­ලික පංති යන දරු­වන්ට මද­න­මෝ­දක (මත්ගුළි) අලෙවි කරන බවට ලද තොර­තු­රක් අනුව උපාය දුත­යකු යොදා මත්ගුලි 2200ක් (කිලෝ 22ක්) අත්අ­ඩං­ගු­වට ගත් බව පොලො­න්න­රුව කොට්ඨාස අප­රාධ විම­ර්ශන අංශය පව­සනවා.

මෙම වෙළෙ­ඳ­සල් හිමියා විසින් කලක පටන් පාසල් දරු­වන්ට සහ විවිධ තරා­ති­ර­ම්වල තරු­ණ­යන්ට මත්ගුලි අලෙවි කර ඇති බවට පැමි­ණිලි ලැබී ඇති බව පොලී­සිය ප්‍රකාශ කළා.

මෙම වෙළෙ­ඳ­සල පිහිටා ඇත්තේ හිඟු­ර­ක්ගොඩ නග­රයේ පෞද්ග­ලික පංති විශාල ප්‍රමා­ණ­යක් පිහිටා ඇති මාර්ග­යක බැවින් එහි යන පාසල් සිසුන් මෙම වෙළෙ­ඳ­ස­ලෙන් මත්ගුලි ලබා ගන්නා බවට ලද තොර­තු­රක් මත මෙම වැට­ලිම සිදු කළ බවත් එහි දී මත්ගුලි 2200ක් අත්අ­ඩං­ගු­වට ගත් අතර වෙළෙ­ඳ­සල හිමි­කරු ද අත්අ­ඩං­ගු­වට ගෙන තිබෙනවා.

සැක­කරු මීට පෙර පාසල් දරු­වන්ට මත්ගුලි අලෙවි කිරීම සම්බ­න්ධ­යෙන් අවස්ථා කිහි­ප­ය­ක­දීම අත්අ­ඩං­ගු­වට ගෙන අධි­ක­ර­ණ­යට ඉදි­රි­පත් කර ඇති අයකු බවද පොලී­සිය සඳහන් කළා.

උතු­රු­මැද පළාත් ‍ජ්‍යෙෂ්ඨ නියෝජ්‍ය පොලි­ස්පති නන්දන මුණ­සිංහ මහ­තාගේ සහ පොලො­න්න­රුව ප්‍රදේ­ශය භාර නියෝජ්‍ය පොලි­ස්පති වසන්ත කිත්සිරි ජය­ලත් මහ­තාගේ නියෝග පරිදි පොලො­න්න­රුව කොට්ඨා­සය භාර ‍ජ්‍යෙෂ්ඨ පොලිස් අධි­කාරි ඔෂාන් හේවා­වි­තා­රණ මහ­තාගේ උප­දෙස් පරිදි සහ­කාර පොලිස් අධි­කාරි නිශාන්ත රත්න­පාල මහ­තාගේ මෙහෙ­ය­වී­මෙන් පොලො­න්න­රුව කොට්ඨාස අප­රාධ විම­ර්ශන අංශයේ ස්ථානා­ධි­පති ප්‍රධාන පොලිස් පරී­ක්ෂක ප්‍රශන්න ජාගොඩ මහ­තාගේ සහ­භා­ගී­ත්ව­යෙන් උප පොලිස් පරී­ක්ෂක හේමන්ත, උප පොලිස් පරී­ක්ෂක රත්න­සිරි, පොලිස් සැර­යන් 16614 මාන­වඩු, පොලිස් කොස්තා­පල් 74345 සිල්වා, 71400 මහේෂ් යන නිල­ධා­රින් මෙම වැට­ලීම සිදු­කර තිබෙනවා.

අත්අ­ඩං­ගු­වට ගත් මත්ගුලි සහ සැක­කරු අධි­ක­රණ කට­යුතු සිදු කිරීම සඳහා පොලො­න්න­රුව කොට්ඨාස අප­රාධ විම­ර්ශන අංශය විසින් හිඟු­ර­ක්ගොඩ පොලී­සි­යට බාර දී ඇති බව සඳහන්.