Friday, 22 January 2021 - 20:12
වෛද්‍යවරුන් 100කට කොරෝනා
...


කොවිඩ් දෙවන රැල්ල ඇතිවීමෙන් පසුව වෛද්‍යවරුන් 100කට ආසන්න ප්‍රමාණයකට වෛරසය ආසාදනය වී ඇති බව රජයේ වෛද්‍ය නිලධාරීන්ගේ සංගමය ප්‍රකාශ කළා.

එහි සංස්කාරක වෛද්‍ය හරිත අලුත්ගේ මහතා අද (22) පැවති මාධ්‍ය හමුවකට එක්වෙමින් ඒ බව සඳහන් කළේය.

ඔහු පැවසුවේ මේ වනවිට වෛද්‍යවරුන් 40 දෙනෙක් පමණ ප්‍රතිකාර ලබන බවය.

එහිදී වැඩිදුරටත් අදහස් දැක්වූ රජයේ වෛද්‍ය නිලධාරීන්ගේ සංගමයේ සංස්කාරක වෛද්‍ය හරිත අලුත්ගේ මහතා,

“දෛනිකව රෝගීන් වැඩි වෙනවා කියන්නේ අනිවාර්යෙන්ම ඉදිරි සති දෙකක කාලය තුළ දෛනිකව වාර්තා වන මරණ ගණන ගැන අපිට කතා කරන්නට වෙනවා. එයින් කියවෙන පණිවිඩය තමයි අපේ පොසිටිව් රේට් එක 5.5 පැනලා තියෙන්නේ. දැන් මාසයකට කලින් තිබුණේ 3% මට්ටමක. අපි අවදානම් කඩඉම පැනලා ඉවරයි. දවස ගාණේ රෝගීන් වාර්තා වෙනවා මූලාශ්‍රයක් සොයා ගත නොහැකි. බිම් මට්ටමේ යතාර්ථය තමයි සමාජ ව්‍යාප්තිය. ප්‍රයෝගික යතාර්ථය තමයි සමාජ ව්‍යාප්තිය. ඒ නිසා ඉතාම පැහැදිලිව මේ සත්‍යයට මුහුණදීලා අපි ඉදිරියට ගමන් කළ යුතුයි කියලා අපි විශ්වාස කරනවා. දවස ගාණේ අපේ පද්ධතියට එකතුවෙනවා කොවිඩ් පොසිටිව් සෞඛ්‍ය කාර්ය මණ්ඩල සේවකයින්. වෛද්‍යවරු, හෙද කාර්ය මණ්ඩලය ඇතුළු මේ සියලුදෙනා අද වන විට ආසාදිකයන් වෙමින් සිටිනවා. දෙවෙනි රැල්ල තුළ විතරක් 100කට ආසන්න වෛද්‍යවරුන් පිරිසක් ආසාදිතයින් බවට පත්වෙලා තියෙනවා. මේ මොහොතේ දී විතරක් වෛද්‍යවරුන් 40කට ආසන්න ප්‍රමාණයක් ප්‍රතිකාර මධ්‍යස්ථානවල ප්‍රතිකාර ලබනවා ආසාදිතයින් බවට පත්වෙලා. මේ මොහොතෙදි විතරක් ඒ අයගේ ආශ්‍රිතයන් 200ක් විතර ඉන්නවා. රෝගීන් එනකොට අසාමාන්‍ය ඉහළ ප්‍රමාණවලින් ලබන මාසේ මැද වෙනකොට කවුද අය ප්‍රතිකාර ලබන්නේ. ඒ අයට ප්‍රතිකාර කරන්න වෛද්‍ය කාර්ය මණ්ඩලක් ඉතුරුවෙයිද? එක පැත්තකින් ලෙඩවෙලා රෝහල්වල වෛද්‍යවරු. අනෙක් පැත්තෙන් ඒ වෛද්‍යවරු ආශ්‍රය කරපු අය නිරෝධායනවෙලා නිවෙස්වල.“



More News
...
Saturday, 06 March 2021 - 11:51

රාවණා ඇල්ල රක්ෂිතයේ ගින්නක් හටගෙන තිබෙනවා.ඊයේ රාත්‍රියේ සිට පවතින මෙම ගින්න හේතුවෙන් රක්ෂිතයේ...   Read more

...
Saturday, 06 March 2021 - 10:45

ජාත්‍යන්තර ප්‍රවාහන දිනය අදට (06) යෙදී තිබෙනවා. එම දිනයට සමගාමීව වැඩසටහන් රැසක් අද ක්‍රියාත්මක...   Read more

...
Saturday, 06 March 2021 - 10:40

ශ්‍රී ලංකාව සහ මාලදිවයින අතර වෙළෙද සබඳතා ඉහල නැංවීමේ අරමුණින් නිදහස් වෙළෙඳ ගිවිසුමකට අත්සන් තැබීම...   Read more

දවසේ වීඩියෝව