Saturday, 26 September 2020 - 18:27
රාහු මාරුවුණා; විශ්ණු හා කතරගම දෙවියන්ගේ පිහිට පතන්නRahu shifted; Seek the help of Vishnu and Kataragama
...
පසුගිය 23 වැනි දින රාහු කේතු මාරුවක් සිද්ධ වුණා. එම ග්‍රහ මාරුව ඇතැම් ලග්නවලට සුබ වගේම තවත් ලග්නවලට අසුබවත් පිහිටලා ඇති. බොහෝ විට රාහුගේ අපලත්, සෙනසුරුගේ අපලවලට සමානයි කියලයි ජ්‍යොතිෂයේ සඳහන් වෙන්නේ. මොකද මේ දෙන්නම අපට දැනෙන්න අපල කරනවා. ඉතින් එනිසා රාහුගෙන් අපල තියෙන අයට මේ අපල නැති කරගන්න වගේම රාහුගෙන් සුබ පල තියෙන අයට එම සුබපල තවත් වැඩිකර ගන්නත් පුළුවන්. ඒ සඳහා කළයුතු දැය ජ්‍යොතිෂයේ කියැවෙනවා.

කෙසේ නමුත් ඔබගේ උත්පත්ති කේන්දරයේ රාහු තනිව හෝ කුජ, ශනි, සඳු සමඟ හෝ සංයෝගව සිටියා නම් මෙම අපල වැඩි වීමටත් පුළුවන්. එසේ වීමෙන් ඔබට අසුබතා ඇති වන බව ඔබටම දැනෙන්නටත් පුළුවන්. එහෙම දැනෙනවා නම් ඔබට විෂ්ණු සහ කතරගම දෙවිවරුන්ට පුද පූජා පවත්වා සහනය පැතීමෙන් අපලවලින් මිදීමටත් සහනය ළඟා කර ගැනීමටත් පුළුවන්.
විෂ්ණු, කතරගම දෙවිවරුන්ට පුද පූජා පැවැත්වීමට දෙදිනකටවත් ප්‍රථම ඔබට මස්, මාංශවලින් වැළකී නිර්මාංශ ප්‍රතිපත්තියක් අනුගමනය කරන්නට වෙනවා. එසේ නොමැතිව කිලිකුණු ඇතිව මේ දෙවි දේවතාවුන්ගේ පිහිට පැතීම නිෂ්ඵලයි. මේ පුද පූජාවලට පන්සලට යා යුත්තේ පිරිසුදුව සුදුවතින් සැරැසීමෙන් පසුවයි. ඉන්පසුව විහාරගෙය, බෝමළු, චෛත්‍ය මළුව ආදී ස්ථාන පිරිසුදු කොට මල්පහන් පුදා තෙරුවන් නැමැද සමාධිගත සිතින් යුතුව කරණීය මෙත්ත සූත්‍රය තුන් වරක් ගායනා කරන්න. විෂ්ණු කතරගම දෙවියන්ට පුද පූජා පැවැත්විය යුත්තේ ඉන්පසුවයි. ඒ සඳහා සුදුසු දේවා-ලයකට යන්න.

විෂ්ණු දෙවියන් වෙනුවෙන් නිල් මල්ද, කතරගම දෙවියන් වෙනුවෙන් රතු මල්ද යොදාගෙන පිරුණු මල් වට්ටි දෙකක් සකසා ගන්න. ඒත් සමඟම පලතුරු වට්ටි සකස් කරගන්න. එම පලතුරු වට්ටි සකස් කිරීමේදී විෂ්ණු දෙවියන් සඳහා සැකසෙන පලතුරු වට්ටියේ පතුලට අලුත් බෙලි කොළ ඇතිරීම වඩාත් සුදුසු වෙයි. කතරගම දෙවියන් වෙනුවෙන් අලුත් බුලත් කොළ යොදන්න. විෂ්ණු දෙවියන්ගේ පලතුරු වට්ටිය නිල් රෙදි කඩකින්ද, කතරගම දෙවියන්ගේ පලතුරු වට්ටිය රතු රෙදිකඩකින්ද වැසීම ඉතාමත් යෝග්‍ය වෙයි.

දෙවියන් වෙනුවෙන් පහන් ආලෝකය පූජා කිරීමේදී විෂ්ණු දෙවියන් වෙනුවෙන් අබ තෙල් පහනක්ද, කතරගම දෙවියන් වෙනුවෙන් ගිතෙල් පහනක්ද, නවග්‍රහයන් වෙනුවෙන් පොල්තෙල් පහන් නවයක්ද දල්වන්න.

මේ සියලු වතාවත්වලින් පසුව දෙවියන් වෙනුවෙන් සැකැසූ මල්, පලතුරු පූජා කර සුවඳ දුම් අල්ලා ඔබගේ අපල දුරු කර ප්‍රාර්ථනා ඉටු කරදෙන ලෙස ගැඹුරු සිතුවිලි උපදවාගෙන දේවාල බාර කපු මහතාට පුද පඬුරු පිළිගන්වා ඔහුගේ සිත තුටුකර ඔබගේ සියලු ප්‍රාර්ථනා සිහිපත් කරවාගෙන ඒ ඒ දෙවියන්ට අදාළ ස්තෝත්‍ර කපු මහතා ලවා ගායනා කරවාගෙන දෙවියන්ගේ ආකර්ෂණය ඔබවෙත ළඟාකර ගන්න.

මෙම පූජාව දින හතක් එක දිගටම හෝ සතිපතා හතක් කරන්න. ගුරු දිනකින් ආරම්භ කළ හැකි නම් වඩාත් හොඳයි. පුද පූජා අවසන් වූ පසු ඔබගේ සිතට සහනය දැනෙනු ඇත. එසේම අපල දුරුවී ප්‍රාර්ථනා ඉටුවනු ඇත.
ජ්‍යොතිෂවේදී සත්‍යජිත් සම්පත්


More News
...
Monday, 08 February 2021 - 11:09

ලෝකයේ මිනිසා ඇතුළු සියලුම ජීවින් මෙන්ම සොබාදහමද රඳා පවතින්නේ, සූර්යයා නිසා බවට ඈත අතීතයේ සිටම අපගේ...   Read more

...
Sunday, 07 February 2021 - 9:27

  මේෂ- අඹු­සැමි මත භේද මේෂ ලග්නය හිමි ඔබට මෙම සතිය ආර­ම්භය අස­තු­ටු­දා­යක වුවත් සතිය මැද භාගයේ...   Read more

...
Monday, 01 February 2021 - 10:00

ජලය මිනිසාගේ ප‍්‍රධානතම අවශ්‍යතාවයක්. නිවසකට ජලය ලබා ගැනීමේ පහසුකම අතිශයින්ම වැදගත් වෙනවා....   Read more

දවසේ වීඩියෝව