Tuesday, 16 February 2021 - 11:18
ලංකා හොස්පි­ටල්ස් වෙතින්කොවිඩ්-19 ස්වයං පරී­ක්ෂණක්‍රම­වේ­ද­යක් හඳුන්වා දෙයි
...
ශ්‍රී ලංකාවේ සෞඛ්‍ය සත්කා­රක සේවා සැප­යීමේ පුරෝ­ගා­මි­යකු වන ලංකා හොස්පි­ටල්ස් රෝහල් පිවි­සු­මේ­දීම කොවිඩ් ආසා­දි­ත­යන් හඳුනා ගත හැකි නව ක්‍රම­වේ­ද­යක් හඳුන්වා දෙයි. නව ක්‍රමය යටතේ රෝහල් ගේට්ටු­වෙන් ඇතුළු වන තැනැත්තා සිය ජංගම දුර­ක­ත­න­යෙන් QR Code එක ස්කෑන් කළ යුතුය. එවිට ‘ඔව්’ සහ ‘නැහැ’ ලෙස පිළි­තුරු සැප­යිය යුතු කෙටි ප්‍රශ්න කිහි­ප­යක් දුර­ක­ත­න­යට ලැබේ. ඒවාට පිළි­තුරු සැපයූ පසු කෙටි පණි­වි­ඩ­යක් ලැබේ. ඒ සමඟ වර්ණ­යක් ද දක්වනු ලැබේ. කොළ වර්ණය දැක්වු­ව­හොත් අදාළ තැනැත්තා කොවිඩ් අව­දා­න­ම­කින් තොර අයකු වන අතර ඔහුට නිද­හසේ රෝහල් පරි­ශ්‍රය තුළ සැරි සැරී­මට අව­සර ලැබේ. කහ වර්ණය දැක්වු­ව­හොත් අදාළ නැතැත්තා රෝහලේ හදිසි පරී­ක්ෂණ ඒක­ක­යේදී වැඩි දුර පරී­ක්ෂා­වට ලක් විය යුතුය.

රතු වර්ණ­යෙන් ඔහුට කොවිඩ් 19 රෝග ලක්ෂණ පව­තින බව කියවේ. රතු නිවේ­ද­න­යක් ලැබෙන සියලු දෙනා රජයේ ජාතික සෞඛ්‍ය හා සුර­ක්ෂි­තතා ක්‍රම­වේ­ද­යට අනුව වහාම සෞඛ්‍ය බල­ධා­රීන් වෙත යොමු කරනු ලැබේ. QR Code ක්‍රම­ය­කින් සම­න්විත නව කොවිඩ් හඳුනා ගැනීමේ ක්‍රමය රෝහ­ලට පැමි­ණෙන රෝගීන්ට හා අනෙ­කුත් පුද්ග­ල­යන්ට පෝරම පිර­වී­ම­කින් තොරව කට­යුතු කිරීමේ පහ­සු­වද සල­සයි. නව තාක්ෂ­ණයේ ආධා­ර­යෙන් ඔවුන්ගේ තොර­තුරු රෝහල් දත්ත ගබ­ඩා­වට එක් කෙරෙයි. නව ස්වයං ඇග­යීම් ක්‍රියා­ව­ලිය කඩි­නම්, පහසු හා ආර­ක්ෂිත එකක් බැවින් රෝහල් පිවි­සුම අසල දිගු පෝලිම් හට ගැනීම වැළකේ.

“අපේ ඉහ­ළම ප්‍රමු­ඛ­තාව වන්නේ රෝහ­ලට පැමි­ණෙන රෝගීන්, රෝගීන් බැලී­මට පැමි­ණෙ­න්නන් හා කාර්ය මණ්ඩ­ලය යන සිය­ල්ල­න්ගේම සුර­ක්ෂි­ත­තාව තහ­වුරු කිරී­මයි. කොවිඩ් ආසා­දි­ත­යන්ගේ සංඛ්‍යාව ඉහළ යෑමත් සමඟ සුර­ක්ෂි­තතා කළ­ම­නා­ක­රණ ක්‍රම­වේද දැඩි කිරී­මට අප පිය­වර ගෙන තිබෙ­නවා.

මේ නව යාන්ත්‍ර­ණය මඟින් අපේ සේවා උසස්ම මට්ට­මින් සප­ය­න්නට අව­කාශ ලැබෙ­නවා.” ලංකා හොස්පි­ටල්ස් සමූ­හයේ ප්‍රධාන විධා­යක නිල­ධාරී දීප්ති ලොකු­ආ­රච්චි මහතා පැව­සීය. “ලංකා හොස්පි­ටල්ස් යනු දැඩි සුර­ක්ෂි­තතා පිය­වර අනු­ග­ම­නය කරන ප්‍රමුඛ පෙළේ පෞද්ග­ලික රෝහ­ලක්. රෝහලේ සෑම ස්ථාන­යක්ම දින­පතා නිතර නිතර විෂ­බී­ජ­හ­ර­ණය කර­නවා. රෝහලේ නේවා­සික හා බාහිර රෝගීන් වෙනු­වෙන් ඉතා දැඩි සෞඛ්‍යා­ර­ක්ෂණ පිය­වර අනු­ග­ම­නය කර­නවා. අපේ කාර්ය මණ්ඩ­ලය නිතර පී.සී.ආර්. පරී­ක්ෂා­වට ලක් කර­නවා.” ලංකා හොස්පි­ටල්ස් වෛද්‍ය සේවා අධ්‍යක්ෂ වෛද්‍ය විමල් කර­ඳ­ගොඩ මහතා පැව­සීය.
 


More News
...
Wednesday, 07 April 2021 - 14:41

ශ්‍රී ලංකාවේ ජනප්‍රියම ජංගම දුරකථන හා උපාංග සන්නාමය වන OPPO, සිංහල හා දෙමළ අලුත් අවුරුද්ද වෙනුවෙන්...   Read more

...
Wednesday, 07 April 2021 - 12:07

වතු කම්කරුවන්ගේ වැටුප් වැඩිවීම සම්බන්ධව ලංකා වැවිලිකරුවන්ගේ සංගමය සිය ස්ථාවරය පැහැදිලි නිවේදනයක්...   Read more

...
Wednesday, 07 April 2021 - 10:53

ශ‍්‍රී ලාංකීය නිවාස හා දේපොළ වෙළෙඳ ක්ෂේත‍්‍රයේ ප්‍රමුඛ සහ සුඛෝපභෝගී නිවාස ඉදිකිරීම් ක්ෂේත‍්‍රයේ...   Read more

දවසේ වීඩියෝව