ඉදිරි දිනවලදී ගෑස් මිල ඉහල දැමීමක් සිදු කිරීමට නියමිත බවට දැඩි කතාබහක් ඇතිව තිබෙනවා. ලෝක වෙළඳපොලේ ගෑස් මිල ශීග්‍රයෙන් ඉහළයාම නිසා මේ වන විට ගෑස් සමාගම් දෙකම විශාල වශයෙන් පාඩු ලබන බවයි වාර්තා වන්නේ.

කිලෝ 12.5 ගෑස් සිලින්ඩරයකින් රුපියල් පන්සියයක පමණ පාඩුවක් ගෑස් සමාගම් වලට සිදුවන බව සඳහන්.

එම පාඩුව දරා ගැනීමට අපහසු බැවින් රුපියල් තුන්සියයක පමණ මුදලකින් ගෑස් සිලින්ඩරයක මිල ඉහල දැමීමට නියමිත බවටයි සමාජ මාධ්‍ය තුල පුවත් සංසරණය වුණේ.

කෙසේවෙතත් ඉන්ධන හෝ ගෑස් මිළ ඉහළ දැමීමට රජය මෙතෙක් කිසිදු තීරණයක් ගෙන නොමැති බව බලශක්ති අමාත්‍ය උදය ගම්මන්පිළ මහතා අද පාර්ලිමේන්තුවේදී ප්‍රකාශ කලා.

ඒ සමගි ජන බලවේගයේ පාර්ලිමේන්තු මන්ත්‍රී හේෂා විතානගේ මහතා වාචික පිළිතුරු අපේක්ෂාවෙන් නගා තිබූ පැණයකට පිළිතුරු දෙමින්.